УИХ-ын Сонгуулийн 59-р тойрогт
Монголын Социал Демократ Намаас нэр дэвшигч
Монгол Улсын ШУА-ийн жинхэнэ гишүүн-Академич Д.Амарсайхан СОНГОГЧ ТАНЫ ТӨЛӨӨ
Нэр дэвшигч Дамдинсүрэнгийн Амарсайхан нь 1964 онд Дорнод аймгийн Чойбалсан хотод төрсөн. Тэрээр 2011 онд ШУА-ийн жинхэнэ гишүүнээр сонгогдож, академич хэргэм хүртжээ.
Д.Амарсайхан нь 1981 онд Улаанбаатар хотын 14-р сургуулийг төгсөж, улмаар Тбилиси хотын улсын их сургуульд элсэн орж, 1987 онд радиофизикч мэргэжлээр төгссөн. Их сургууль төгсөөд ШУА-ийн Физик-техникийн хүрээлэнд инженер-программчаар ажлын гараагаа эхэлсэн. 1989-1990 онд НҮБ-ын төслийн хүрээнд Нидерланд улсын Агаар-сансрын зураглалын олон улсын институтэд суралцаж, газарзүйн мэдээллийн систем (ГМС)-ийн чиглэлээр мэргэшсэн. 1990 оноос ШУА-ийн Информатикийн Төвд эрдэм шинжилгээний ажилтнаар ажиллаж эхэлсэн бөгөөд 1991-1992 онд Нидерланд улсад үргэлжлүүлэн суралцаж геоинформатикийн салбарт мастерын зэрэг хүртсэн байна.
